דער שותפות וועגווייזער — א געזעסן איינס אויף איינס, פאר אייביג

איידער איר ווערט שותפים —
זעצט זיך אוועק מיט מיר.

רוב שותפות'ן צעפאלן זיך נישט צוליב שלעכטע מענטשן — נאר צוליב גוטע מענטשן וואס האבן קיינמאל נישט אפגעשמועסט די שווערע שאלות. די וועבזייטל פירט אייך דורך יעדע איינציגע שאלה וואס דארף געענטפערט ווערן איידער מען הייבט אן, פונקט אזוי ווי מיר וואלטן געזעסן צוזאמען ביי איין טיש.

ערשטנס

מען רעדט זיך דורך

איין שאלה נאך די אנדערע, מיט א קלארע ערקלערונג פארוואס יעדע שאלה איז וויכטיג — איידער עס ווערט א קאנפליקט.

צווייטנס

דער שטר וואקסט

יעדע ענטפער שרייבט זיך אריין אין א לעבעדיגן דאקומענט וואס בויט זיך אויף פאר אייערע אויגן, בשעת'ן שמועס.

דריטנס

מען נעמט מיט א דאקומענט

ביים סוף באקומט איר א פולן "אינהאלט פאר א שותפות אגרימענט" — גרייט צו דרוקן, אפצוהיטן, און מיטצונעמען צום עורך־דין און דיין.

א בריוו פאר יעדן וואס וועט דא אנקומען

טייערער פריינד,

איך בין נישט דא ביי אייער טיש, און איך וועל נישט קענען זיין ביי יעדע שותפות וואס וועט זיך שאפן. אבער די שאלות וואס איך וואלט אייך געפרעגט — זיי זענען אלע דא, מיט די זעלבע סדר, מיט די זעלבע ווארעמקייט, און מיט די זעלבע כוונה: אז צוויי אידן זאלן אריינגיין אין א שותפות מיט אפענע אויגן, און ארויסגיין — אויב עס קומט אמאל דערצו — אלס פריינד.

א שותפות וואס איז קלאר אפגעשמועסט פון פריער, איז א שותפות וואו די פריינדשאפט קען איבערלעבן די ביזנעס. דאס איז מיין גאנצער ווילן.

נעמט אייך צייט. ענטפערט ערליך. און וואו איר זענט נישט זיכער — פרעגט א דיין.

— שמואל לייב פריעד

וואס די סעסיע דעקט

די יסודותווער, ווען, וואס, און — דאס וויכטיגסטע — פארוואס מען ווערט שותפים.

געלט און אחריותווער ברענגט, וויפיל, ביז ווען, און וואס געשעט ווען איינער קען נישט.

געהאלט און רווחיםווער איז בארעכטיגט, פון ווען, און וויאזוי מען רעכנט.

דיסישענסווער האט דאס לעצטע ווארט — אין די גרויסע און אין די טאג־טעגליכע.

וויאזוי מען ענדיגטפארקויפן, אויסקויפן, ירושה, און זיבן וועגן וויאזוי אפצושאצן די ביזנעס.

קאנפליקטדער וועג צוריק צום שלום — אפגעשמועסט פון פריער, ווען מען האט זיך נאך ליב.

דער ספר — אלע שאלות, צום לערנען

דא ליגט די גאנצע תורה פון די סעסיע, אפן צום בלעטערן — פאר די וואס ווילן פריער דורכלערנען איידער זיי זעצן זיך אוועק מיט זייער שותף, אדער פאר מחנכים, עצה־געבערס און דיינים וואס ווילן עס נוצן אלס א געצייג.

דער שטר בויט זיך אליין פון אייערע ענטפערס. איר קענט דא גלייך אריינקוועטשן און פאררעכטן יעדן סעיף — די טוישונגען ווערן אפגעהיטן. די ________ ליניעס פילט מען אויס בשעת מעשה.